102 жастағы британдық әжей ұзақ өмір сүрудің сыры – үнемі құшақтасу мен сабырлы болу екенін айтты
Шеффилд қаласының тұрғыны 102 жастағы әжей адамның ұзақ өмір сүруі үшін үнемі құшақтасу керектігін, өмірдегі кез келген жағдайда сабырлық сақтау керектігін айтады.
Сурет: lenta.ru
Дора Рихам осы жасына дейін әкесінің иелігіндегі мейрамханадан дәстүрлі фиш-энд-чипс тағамымен тамақтанып келгенін айтады.
«Ешқашан уайымға салынбаңыздар. Мен секілді өзіңізді кез келген жағдайда сабырлы ұстаңыз. Ал, ер адамдарға әйелдерін күніне 3 рет құшақтауға кеңес берем», – дейді әжей.
Рихам 1914 жылы әкесінің мейрамханасында өмірге келген. Ол сол ғимаратта, сыра шығару зауытында және гүл дүкенінде жұмыс істеген. 24 жасында тұрмысқа шығып, екі ұлды өмірге әкелген. Оның жұбайы 81 жасында қайтыс болған.
Талқылау