Үй-күйсіз жүрген адам бір түнде 15 мың долларға байыды
Лондон аудандарының бірінде үй-күйсіз жүрген адам бір түннің ішінде 15 мың долларға байып шыға келді. Ол мұндай байлыққа бір қызға көмек қолын созғаннан кейін жеткен.
Сурет mashable.com
Бұл туралы LifeNews сайты хабарлайды.
Лондоннан Милтон-Кинсқа жетпекші болған 22 жасар Николь Седжебир пойызға кешігіп қалады. Ақыры амал жоқ көшеде түнеуіне тура келеді. Қырсыққанда ұялы телефонының да қуаты бітіп, сөніп қалады. Ол болса жергілікті тұрғындарды тіпті танымайды десе де болады. Не істерін білмей жүргенінде ол көшеде қайыршы Марк есімді жігітті кезіктіреді. Марк қызды өзінің лашығына түнетіп, таңертең оны пойызына мінгізіп салады. Қоштасар кезде Николь құтқарушысымен селфиге түсуді де ұмытпаған.
Үйіне жеткеннен кейін Николь арнайы парақша ашып, әлгі жігітке көмектесуге шақырады. Ол Марк үшін 11 мың фунт (15,5 мың доллар) ақша жинай алған.
Талқылау