Фармацевтикалық бизнес нысандарының иелері бағаны кем дегенде 5% көтеруге мәжбүр екенін айтты. Өйткені олар қымбат құрал-жабдықтарды сатып алып, жаңа мамандарды тартуға мәжбүр.

Әйгерім Аманбаева фармацевтика саласында 2 жылдан бері жұмыс істейді. Осы уақыт аралығында Абай ауданында 2 дәріхана ашқан. Кәсіпкердің айтуынша, міндетті таңбалауды енгізу қосымша шығындарға әкеп соғады, сол үшін олар бағаны көтереді.

“Егер олар шынымен таңбалауды қаласа, қоймадағы барлығын белгілетсін. Бізге дайын өнім келсін. Өйткені дәріханалар таңбалаумен алаңдамауы керек. Олай болмаса, барлық дәріхана пайда таппай, шағын кәсіпорындар жабылады”, – деді жеке кәсіпкер Әйгерім Аманбаева.

Қосымша шығындарға байланысты дәріхана иелері не жабылуға, не дәрі бағасын көтеруге мәжбүр болады.

Ал тұрғындар дәрі-дәрмектің қымбаттайтынына наразы.

“Біздің зейнетақымыздың көп бөлігі дәрі-дәрмекке жұмсалады. Сондықтан біз арзан бағадағы дәріханаларды іздейміз. Қоңырау шалып, әр дәрінің бағасын сұраймыз”, – деді зейнеткер.

“Зейнетақы жетпейді. Менің мемлекеттен тегін дәрі алуға құқығым бар, бірақ барлығын емес. Қымбат дәрілерді өз қаражатыма сатып аламын. Оған қоса дәрі жыл сайын қымбаттайды”, – деді тұрғын.

Үкімет дәрілік заттарға таңбалауды енгізу елдегі контрафактілік өнімдер мен дәрі-дәрмектің заңсыз сатылу көлемін азайту үшін қажет дейді. Дегенмен Қазақстандық тәуелсіз дәріханалар қауымдастығы мұнымен мәселе шешілмейтініне сенімді. Онымен кеденде айналысу керек дейді мамандар.

“Біздің шекарамыз бәріне ашық. Кез келген нәрсе келеді. Ол кіргендіктен, мен оны белгілемеймін және оны сатуды жалғастырамын, бәрі де солай. Қалай сатылды, солай сатылады. Біз қазір қаулыны тоқтата тұруды ұсынып отырмыз. Қауымдастығымызбен бірге жұмыс тобын құруды ұсынамыз, біз ұсыныс береміз, олармен бірге жол картасын, тұжырымдамасын, доктринасын, заң жобасына түзетулер енгіземіз”, – дейді Қазақстан тәуелсіз дәріханалар қауымдастығының жетекшісі Талғат Омаров.

Талқылау