Астанадағы қоғамдық тамақтану орны өртке оранып, газ баллондары жарылды (видео)

Астанадағы қоғамдық тамақтану орнында өрт оқиғасы тіркелді. Байқоңыр ауданында донерхана өртеніп жатыр. Бұл туралы Stan.kz ақпарат агенттігі хабарлайды. 

Фото: Видеодан скрин

Төтенше оқиға орнында астаналық құтқарушылар жұмыс істеп жатыр. Өртті сөндіруге жеке құрамның 20-дан астам адамы мен 4 бірлік арнайы техника жұмылдырылған.

Төтенше жағдайлар министрлігінің хабарлауынша, сағат 19:08-де донерханадағы өрт жойылды. Алдын ала өрт аумағы 80 шаршы метрді құрайды.

Зардап шеккендер туралы мәлімет жоқ. Өртті сөндіру кезінде газ баллондары 4-5 рет жарылды.